PATAY ang 31-anyos na lalaki na pinagbabaril ng isa sa tatlong suspek na nakasakay sa puting Subaru Forester sa Arezzo Place Condominium, Brgy. San Juan, Cainta, Rizal noong Biyernes.

Namatay sa mismong pinangyarihan ng krimen ang biktimang si alyas Mark.

Ayon sa pulisya, naganap ang pamamaril bandang alas-6:10 ng gabi.

Sakay ang mga suspek sa Subaru (AAM 8038) na inabandona sa Sandoval Ave. at tuluyang tumakas papunta sa Pinagbuhatan, Pasig City.