MORONG, Bataan–Nalunod ang magkapatid noong Sabado de Gloria habang naliligo sa dagat sa Brgy. Poblacion, Morong, Bataan.

Ayon sa ulat, galing sa Valenzuela ang mga biktima at dumayo sa lugar kasama ang mga kamag-anak para magbakasyon at maligo sa dagat.

Napag alaman na ang dalawang biktima ay napadpad sa malalim na parte ng dagat kaya nalunod.

Isinugod sa ospital ang magkapatid pero binawian din ng buhay, ayon sa report.

Ayon sa report, halos taun-taon may nalulunod sa beach ng Morong at Bagac dahil malakas kung minsan ang underwater current at nahihila pailalim ang mga naliligo.