ISANG mananaya sa Tondo, Manila ang nanalo ng jackpot prize ng Lotto 6/42 sa bola gabi ng Sabado, Hulyo 8.

Ayon sa Philippine Charity Sweepstakes Office (PCSO) isa lang ang tumama sa winning number combination na 03-28-12-26-08-21.

Umabot sa P7.656 milyon ang jackpot prize sa naturang bola.

Nanalo naman ng tig-P24,000 ang 91 mananaya na nakakuha ng limang numero.

Tig-P800 naman ang 3,304 mananaya na nakaapat na numero at tig-P20 ang 37,574 mananaya na nakatatlong numero.