Lungsod ng Sto. Tomas, Probinsya ng Batangas — Himas rehas ngayon ang most wanted person sa Regional Level sa dalang bilang ng panggagahasa matapos masakote ng mga kapulisan sa kanyang tirahan Martes ng hapon sa Purok 7, Brgy. Sta. Teresita.

Si alyas Emmanuel ay nadakip ng mga operatiba ng Sto. Tomas Component City Police Station sa manhunt operation na isinagawa sa bisa ng Warrant of Arrest na inisyu ni Judge Rohermia J. Jamsani-Rodriguez, ng Family Court, Third Judicial Region, Branch 9, ng San Fernando City, Pampanga.

Walang inirekomendang piyansa para sa pansamantalang kalayaan ng suspek.