MAKAKASAKAY ng libre sa Metro Rail Transit 3 (MRT-3) ang mga empleyado ng gobyerno sa Lunes, Setyembre 19.

Ito ay bahagi ng pagdiriwang ng Philippine Civil Service Anniversary.

Ang libreng sakay ay mula alas-7 hanggang 9 ng umaga at alas-5 ng hapon hanggang 9 ng gabi.

Makasasakay nang libre ang sinumang lingkod bayan na may valid Government Employee ID.

Kailangan lamang itong ipakita sa MRT-3 personnel na matatagpuan sa service gate ng bawat istasyon upang mabigyan ng Magnetic Single Journey Ticket.

Ang parehong Magnetic Single Journey Ticket ay dapat iiwan ng pasahero sa service gate ng bababaang istasyon.