NAKUHA ng may ari ng laptop na naiwan sa Ninoy Aquino International Airport (NAIA) Terminal 3 noong Enero 18 nang isauli ng nakapulot na Security Screening Officer (SSO)

Ibinigay ng nakapulot sa Lost and Found Section ng airport ang item kaya nakuha ng may-ari, ayon sa report.

Habang ginagampanan ni Renz Leo Remoroza, ang nakapulot, ang trabaho niya bilang baggage inspector sa huling security screening checkpoint, natagpuan niya ang laptop na naiwan.

Nang hindi ito agad na-claim ng may-ari, dinala ni Remoroza ang laptop—kasama ang iba pang naiwan na kagamitan—sa Lost and Found Section para sa tamang pangangalaga.