TIMBOG ang Nigerian national sa aktong pangingikil sa babaeng negosyante sa Las Pinas City noong Huwebes.

Inaresto ng mga tauhan ni Southern Police District (SPD) director P/BGen Randy Arceo si alyas Dennis, 48, makaraang ireklamo ng dating live-in partner na si alyas Marie, 50.

Alas-6:20 ng gabi ng arestuhin ang dayuhan sa isang fastfood sa Daanghari Road, Brgy. Almanza Dos, Las Piñas City.

Humihingi umano ng P1 milyon ang suspek at kung hindi magbibigay ay ibubunyag niya ang lihim ng babae na makakasira sa negosyo ng babae.

Nabawi ng pulisya sa suspek ang markadong salapi at dalawang mobile phone.