KAMPO HENERAL MALVAR, Lungsod ng Batangas — Timbog noong Biyernes ang isang most wanted na obrero sa kasong panggagahasa sa Barangay Boot, Lungsod ng Tanauan, sa probinsya ng Batangas.

Ayon kay Batangas Police Director PCol. Meliton Salvadora, Jr. ang akusado ay kinilalang si alyas Jojo, 21, walang asawa, naninirahan sa nabanggit na barangay.

Si Jojo ay naaresto ng mga tauhan ng Tanauan Component City Police Station sa bisa ng Warrant of Arrest na inisyu ng Tanjay City, Negros Oriental Regional Trial Court Branch17 para sa kasong acts of lasciviousness kaugnay ng Sek. 5 (B) ng RA 7610 o ang Special Protection of Children Against Abuse, Exploitation, and Discrimination Act.