ORIENTAL Mindoro–Ginanap noong Biyernes sa lalawigan ito ang Moriones festival, ang tradisyon na nagsimula pa noong panahon ng mga Kastila na bahagi ng paggunita sa Semana Santa.

Hango sa kwento ni Longinus, isang sundalong Romano, ang event tungkol sa nabulag at muling nakakita matapos matalsikan ng dugo ni Hesus na nasa krus.

Nag-ugat ang tradisyong ito sa Marinduque at kalaunan ay isinasagawa na rin sa iba’t-ibang lugar sa bansa.

Mayroong bersyon nito sa Oriental Mindoro kung saan ang mga kalahok ay nagsusuot ng mga makukulay na maskara at iba pang kasuotan na kumakatawan sa mga sundalong Romano na tinatawag na Moriones mula sa Kastilang morion o helmet.