UMAABOT sa mahigit P1.2 milyon na halaga ng hinihinalang shabu ang nakumpiska sa isang suspek na tulak sa Phase 1, San Lorenzo Ruiz, Brgy. San Juan, Taytay, Rizal noong Martes.

Sa ulat ng Taytay police, kinilala ang arestadong suspek na si alyas Rojo na nahuli sa buy-bust bandang ala-1:40 ng madaling araw.

Nakuha sa suspek ang 180 gramo ng shabuna nakatago sa transparent plastic pack.

Paglabag sa RA 9165 ang isasampang kaso ng pulisya sa nahuling suspek.