ABUCAY, Bataan–Tatlong pinaghihinalaang tulak ng ilegal na droga ang nasakote noong Miyerkules sa anti-illegal drug operation ng Abucay police na pinamumunuan ni Major John Rhey Cutab.

Nagresulta sa pagkumpiska ng mahigit P30,000 na halaga ng shabu na may timbang na 4.1 grams mula sa mga suspek sa Brgy. Mabatang, Abucay ang operasyon.

Sa ulat ni kay P/Col. Marites A. Salvadora, Bataan police director, madaling araw ikinasa ang buy-bust laban sa mga sangkot umano sa ilegal na droga.

Ang mga naarestong suspek at mga nakumpiskang ebidensya ay dinala sa Abucay police para sa dokumentasyon.