CAMP OLIVAS, San Fernando, Pampanga–Nahuli noong Biyernes ng mga miyembro ng Tarlac police ang dalawang pinaghihinalaang drug pushers at nakuhanan pa ng mahigit P510,000 na halaga ng shabu.

Inaresto ng magkasanib na elemento ng Tarlac police Provincial Drug Enforcement Unit at Station Drug Enforcement Unit (SDEU) si alyas Ai-ai, 35; at Lhey, 28, sa isang entrapment at nakumpiska ang 75 na gramo ng shabu.

Kakasuhan ng paglabag sa Republic Act 9165 ang dalawang suspek na nasa kustodiya na ngayon ng Tarlac police.

Pinuri ni Police Regional Office (PRO)-3 director Brig. Gen. Ponce Rogelio Peñones Jr. ang mga pulis sa pag-aresto sa dalawang suspek.