BILANG tugon sa kahilingan ni Mayor Marvey Mariño na i-waive ang singil sa parking fee sa mga pampublikong pamilihan at mga kalye sa paligid nito sa unang isang oras, ipinasa ng Sangguniang Panlungsod (SP) ang Parking Moratorium Ordinance of Batangas City noong Agosto 4.

Layunin ng mayor na mabigyan ng dagdag na ginhawa ang mga mamimili sa palengke at mga karatig na establisyemento at para mahikayat ang mas maraming
Batangueño na tangkilikin ang mga pampublikong pamilihan.

Bilang karagdagang konsiderasyon, iminungkahi ni Mayor Marvey na gawing libre ang unang isang oras ng parking para sa mga pribado at pampublikong sasakyan, sa halip 30 minutong libreng paradahan na una niyang nabanggit.