Calendar

P720K marijuana nakumpiska, hinihinalang tulak laglag sa Laguna
UMABOT sa P720,000 halaga na tumitimbang ng anim na kilo ng marijuana ang nakumpiska sa isang hinihinalang pusher ng Drugs Enforcement Team sa Sta Rosa City, Laguna, Martes ng gabi.
Sa ulat ng Sta Rosa police kay Laguna OIC Provincial Director PCol. Ricardo Dalmacia, kinilala ang arestadong suspek na si alyas Marvin.
Kabilang ang suspek sa listahan na High Value Individual (HVI) na naaresto sa Phase 8, Earth St. Garden Villas III, Brgy. Caingin,Sta Rosa City.
Isinagawa ng Drug Enforcement Team ang buy bust operation dakong 8:15 ng gabi sa lugar kung saan nakumpiska ang pinatuyong dahon ng marijuana at tops ng hinihinalang marijuana.
Nasamsam ang isang plastic pack na naglalaman ng pinatuyong dahon ng marijuana at fruting tops na may bigat na anim na kilo at standard price na P720,000.
Nabawi mula sa suspek ang ginamit na buy-bust money.