DALAWANG high value target ang naaresto noong Martes sa isang drug sting sa Bataan.

Sa ulat kay PRO3 director Brig. Gene. Jean Fajardo, kinilala ng Bataan police ang mga suspek na sina alyas Genio, 45; at alyas Delar, 28, kapwa residente ng Balanga City, Bataan.

Nagsagawa ng buy-bust ang mga miyembro ng SDEU Balanga City police kasama ang Bataan PPDEU laban sa dalawang suspek sa Bgy. Cataning, Balanga City.

Nasamsam mula sa kanila ang dalawang malalaking plastic sachet ng shabu na tumitimbang ng hindi bababa sa 75 gramo na nagkakahalaga ng P510,000 at ang marked money.

Nahaharap ang mga suspek ng kasong paglabag sa RA 9165.