ISANG lotto bettor sa Southern Leyte ang nakahula ng tamang anim na numero para mapanalunan ang P81.8 million jackpot sa Lotto 6/42 draw noong Huwebes, ayon sa Philippine Charity Sweepstakes Office (PCSO).

Nahulaan ng bettor ang mga kumbinasyong 18-28-08-30-41-06 para mapanalunan ang jackpot na P81,810,102.

Samantala, 59 bettors ang nanalo ng tig-P24,000 sa pagpili ng limang tamang numero at 2,956 bettors ang nanalo ng P800 sa pagpili ng apat na winning combinations.

Binobola ang 6/42 Lotto tuwing Tuesday, Thursday at Saturday.