𝗜𝗞𝗜𝗡𝗔𝗚𝗔𝗚𝗔𝗟𝗔𝗞 𝗻𝗴 𝘁𝗶𝗻𝗮𝗴𝘂𝗿𝗶𝗮𝗻𝗴 “B𝗮𝘁𝗮𝗻𝗴 T𝗼𝗻𝗱𝗼” 𝗻𝗮 𝘀𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝗮𝗻𝗴 𝗽𝗮𝗴𝗯𝗮𝗯𝗮 𝗻𝗴 𝗮𝗻𝘁𝗮𝘀 𝗻𝗴 “𝘂𝗻𝗲𝗺𝗽𝗹𝗼𝘆𝗺𝗲𝗻𝘁” 𝗸𝗮𝗯𝗶𝗹𝗮𝗻𝗴 𝗻𝗮 𝗮𝗻𝗴 𝗸𝗮𝘄𝗮𝗹𝗮𝗻 𝗻𝗴 𝗵𝗮𝗻𝗮𝗽𝗯𝘂𝗵𝗮𝘆 𝘀𝗮 𝗣𝗶𝗹𝗶𝗽𝗶𝗻𝗮𝘀 𝗮𝗹𝗶𝗻𝘀𝘂𝗻𝗼𝗱 𝘀𝗮 𝗱𝗮𝘁𝗼𝘀 𝗻𝗮 𝗶𝗻𝗶𝗹𝗯𝗮𝘀 𝗻𝗴 𝗱𝗮𝗹𝗮𝘄𝗮𝗻𝗴 𝗮𝗵𝗲𝗻𝘀𝗶𝘆𝗮 𝗻𝗴 𝗽𝗮𝗺𝗮𝗵𝗮𝗹𝗮𝗮𝗻.

Bilang kilalang makamahirap sa kaniyang Distrito, Pinapurihan din ni Valeriano si Pangulong Bongbong Marcos, Jr. dahil sa pagsisikap nitong resolbahin ang laganap na kahirapan at kawalan ng trabaho sa bansa makaraang bumaba sa 31% ang unemployment.

Idiniin ni Valeriano na ipinapakita lamang ng Pangulong Marcos, Jr. na talagang seryoso itong wakasan ang kahirapan at ang kawalan ng trabaho ng nakararaming mamamayan sa pamamagitan ng paglalatag ng mga programa.

Kinakatigan din ng kongresista ang pahayag ni Finance Sec. Ralph Recto na ang magandang resulta ng datos na inilabas ng Department of Finance (DOF) at National Economic Development Authority (NEDA) ay isang malinaw ma testamento na kayang malabanan ng gobyerno ang kagutuman at kahirapan.

Sinabi naman nina Recto at NEDA Chief Arsenio Balisacan na ito na ang pinakamababang ratio ng mga walang hanapbuhay kung saan ay kinumpirma rin ng maraming Pilipino na marami sa kanila ang nakabalik na sa dati nilang pinagkakakitaan.

Ayon pa Valeriano, ganito marahil ang nais mangyari ng Pangulo na mapababa ang kahirapan sa bansa kung hindi man nito mapuksa. Kasabay ng tina-target nito na maibaba sa 15% o ang single digit poverty rate bago matapos ang termino ni PBBM.

To God be the Glory