RAMDAM ng netizens ang pagdadalamhati ng actress-TV host na si Anne Curtis sa latest Instagram post kung saan sinabi niya na nakaalis na siya ng Australia at mami-miss niya ang yumaong ama na si James Ernest Curtis-Smith.

Matatandaan na pumanaw ang Australian lawyer-dad nina Anne at Jasmine Curtis-Smith nitong January 2 sa edad na 82.

Ang malungkot na balita ay inanunsyo ng magkapatid sa social media noong Jan. 7, kung saan inilarawan nila ang ama bilang isang “true patriarch in every sense, he shaped us with strength, resilience, and a wit that will forever echo in our family.”

Sa kanyang IG post nitong Biyernes, Jan. 16, nagbigay-pugay si Anne sa ama sa pagsasabing, “Left Australia with a heavy heart, yet in my memories, we’ll never part dad. ‘I’ll see you when I see you,’ my huckleberry friend, my gentle giant, my father dearest —always, until then.”

Inamin din niya na “The grief comes in waves. The pain may pass (occasionally popping in to say hi) but remembering the special little moments I had with Dad is something l’ll always do.

“I haven’t been able to read all of the messages but thank you to everyone who sent their condolences.

“See you guys on Showtime soon, need me some of that endless laughter,” pagtatapos ng actress-host sa caption.

Inulan naman ang post ng pakikiramay mula sa kapwa-celebrities tulad nina Aga Muhlach, Charlene Gonzalez-Muhlach, Ogie Alcasid, Luis Manzano, Jessy Mendiola, Angeline Quinto, Yassi Pressman, Vhong Navarro, Liz Uy, Isabelle Daza, Raymond Gutierrez at marami pang iba.