NASAKSIHAN ng mga residente ang simula ng pailaw sa Cabuyao City, Laguna noong Nobyembre 28.

Pinangunahan ni Mayor Dennis Hain ang pagsisindi ng ilaw na tinawag na “Maliwanag at Maunlad na Pasko,” bilang simbolo ng pag-asa, pagkakaisa at pag-unlad ng komunidad.

May libreng photobooths, cotton candy, popcorn at iba pang treats para sa mga dumalo sa gabi ng pailaw. Nagpasalamat si Mayor Hain sa lahat ng nakiisa.

“Salamat sa lahat ng nakisaya at nakasaksi sa pormal na pagbubukas ng Kapaskuhan dito sa ating lungsod.

Ang bawat ilaw na sumasayaw ay simbolo ng pag-asa, pagkakaisa, at tunay na diwa ng Pasko na dinadala ng Cabuyao sa bawat pamilya,” sabi ng mayor.