NATUNTON sa tulong ng global positioning system (GPS) ang dalawang Indian nationals na nang-holdap sa kanilang kababayan noong Biyernes sa Las Piñas City.

Swak sa selda sina alyas Sukhwinder, 27; at Jasdeep, 33, matapos madakip ng mga parak-Las Piñas ilang oras matapos holdapin ang 34-anyos na kababayan nila sa Villa Fidela Subdivision, Brgy. Elias Aldana dakong alas-12:40 ng tanghali.

Nagsagawa ng follow-up ang mga pulis matapos i-activate ng biktima ang GPS na cellphone na tinangay ng mga suspek na nagresulta sa kanilang pagkakadakip.

Iniulat kay Southern Police District (SPD) Director P/BGen. Randy Arceo na nabawi ng kanyang mga tauhan ang iPhone Pro ng biktima, P10,000 at ang gamit nilang motorsiklo sa panghoholdap.