KAMPO PBGEN VICENTE LIM, Laguna–Siyam na suspek sa iba’t-ibang krimen ang naaresto ng mga miyembro ng Police Regional Office 4A mula alas-6:00 ng umaga noong Enero 12 hanggang alas-6:00 ng umaga ng Enero 13.

Nagsagawa ang PRO-4A ng 30 operasyon kaya nahuli ang mga suspek.

Pinuri ni P/BGen Paul Kenneth Lucas, hepe ng PRO-4A, ang mga pulis sa kanilang propesyonalismo.

“Ang walang tigil na pagsisikap ng aming mga tauhan ay nagpapakita ng aming matatag na determinasyon na panatilihin ang paghahari ng batas at tiyakin ang mas ligtas na komunidad sa buong CALABARZON,” sabi ni P/BGen. Lucas.

Ang lahat ng naaresto ay nasa kustodiya ng pulisya.