CALATAGAN, Batangas — Pinasok ng mga hinihinalang miyembro ng Termite o Anay Gang ang isang sanglaan sa bayang ito kung saan natangay ang mga nakasanglang alahas na umaabot sa P4 milyon.

Dumaan sa hukay sa loob ng Raquel Pawnshop sa Burgos St., Brgy. 2, ang mga kumana, ayon sa imbestigasyon kay Monica Banaag, staff ng pawnshop.

Sinabi ng saksi na papasok siya sa gusali bandang alas-8:00 ng umaga ng may napansin siyang dumi sa mesa sa establisimyento.

Natuklasan niyang may hukay ang sahig na semento ng gusali at bukas ang vault at nawawala ang mga nakasanglang alahas na tinatayang nasa P4 milyon.