PANGUNGUNAHAN ni Pangulong Ferdinand R. Marcos Jr. ang paglulungsad ng Kadiwa ng Pasko project na naglalayong tulungan ang mga konsumer na makabili ng murang bilihin at ang mga magsasaka at mangingisda na makapagbenta ng kanilang produkto.

Sa Barangay Addition Hills sa Mandaluyong City isasagawa ang paglulungsad ng programa.

Labing-apat na Kadiwa center ang sabay-sabay na magbubukas sa iba’t ibang bahagi ng bansa sa Miyerkules— 11 sa National Capital Region, isa sa Tacloban City, isa sa Davao De Oro, at isa sa Koronadal City, South Cotabato.

Ang programa ay isa sa mga hakbang ng gobyerno upang matulungan ang publiko sa gitna ng mataas na presyo ng mga bilihin.