ITINANGGI ng Philippine Drug Enforcement Agency (PDEA) na sa kanila nanggaling ang public advisory laban sa isang milk tea product na umano’y mayroong sangkap ng cannabis alkaloids o marijuana.

Ayon kay PDEA Director General Moro Virgilio Lazo ang kumakalat na litrato sa social media ng umano’y babala ay hindi nanggaling sa kanilang tanggapan.

Ang pirma umano ni Lazo ay kinuha sa isang dokumento kaugnay ng one-strike policy ng PDEA.

Ipinunto rin ni Lazo na ang PDEA ay hindi ang ahensya na sumusuri sa mga produktong pagkain at inumin.