PINURI ni Speaker Ferdinand Martin G. Romualdez nitong Linggo si Philippine National Police (PNP) chief Gen. Rommel Marbil sa mabilis na pagkilos laban sa mga pulis na sangkot umano sa pagdukot at pangingikil sa dalawang Chinese national at ang pagsibak sa hepe ng mga ito.

Nangako rin ang pinuno ng 306 miyembro ng Kamara de Representantes na susuportahan ang mga hakbangin ng PNP para mas maging maayos ang ibinibigay nitong serbisyo.

“General Marbil should be praised for taking prompt action on the extortion case allegedly involving at least eight members of the Eastern Police District and in sanctioning the star-ranked district commander for what he described as ‘failure of leadership’,” ani Speaker Romualdez.

“It is initiatives such as this that that will make people restore their trust in our national police organization and in their local police forces,” dagdag pa nito.

Iginiit ni Speaker Romualdez ang kahalagahan ng reporma sa PNP at umaasa ito na tuloy-tuloy ang magiging pagsulong ng kinakailangang pagbabago.

“The key here is leadership by example. There is no substitute for it. If a leader is transparent, honest, effective, efficient, and compassionate, his commanders and personnel down the line will follow and practice those values,” diin ni Speaker Romualdez.

Nangako ang House leader na pagdating sa pagpapahusay ng serbisyo ay susuportahan niya at ng kaniyang mga kasama ang mga itutulak na reporma at titiyakin ang dagdag na pondo upang maipatupad ang mga ito.

Isa aniya sa mga dapat unahin ang digitalization ng mga proseso sa PNP.