CABANATUAN CITY–Nagkaroon ng accounting ng mga pulis sa Cabanatuan City police noong Huwebes, ayon kay P/Col. Richard Caballero, chief of staff ng PNP-Intelligence Group sa Camp Crame.

Umabot sa 157 na pulis ang kasama sa accounting.

“Ang aktibidad natin ngayon ay tungkol sa Oplan Disiplina o national accounting of police personnel,” sabi ni Caballero.

Paliwanag ng opisyal, marami silang teams mula sa iba’t-ibang unit ng PNP sa Camp Crame ang nagsasagawa ng personnel accounting sa Tarlac, Aurora at Nueva Ecija.

“Iniiwasan natin dito yung tinatawag na ‘lubog’ o “15/30” mga pulis na naka-VIP security, sumasideline ng ibang trabaho, o kaya nasa abroad pero hindi nag-file ng leave of absence,” pahayag ni Caballero sa Journal Group.