AABOT sa P135,184 na halaga ng shabu ang nasamsam ng mga operatiba ng Quezon City Police District (QCPD) sa 5 drug suspek na naaresto noong Enero 21.

Nadakip si alyas Mark Rhey, 33, matapos makuhanan ng 9.88 gramo ng shabu na nagkakahalaga ng P67,184, kasama ang buy-bust money at iba pang ebidensya.

Sa operasyon ng Talipapa Police Station, nadakip si alyas Rovic, 20, at nakuhanan ng 5 gramo ng shabu na nagkakahalaga ng P34,000.

Nadakip naman sina alyas Edwin, 49; at Sanny, 45, matapos makuhanan ng 5 gramo ng shabu na nagkakahalaga ng P34,000.

Kakasuhan ang mga nahuli sa paglabag sa RA 9165 (Comprehensive Dangerous Drugs Act of 2002).