MALUBHANG nasugatan ang dalawang lalaki na sinaksak sa court ng tatlong suspek na kalaban sa basketball noong Nobyembre 1 sa Wind Valley Subdivision, Brgy. Dila, Bay, Laguna.

Nasa ospital pa sina Jhon Louie Francisco Ruelo, 20, mangingisda, at Danilo Ramos Lepangue, 56, obrero, na nagtamo ng mga saksak sa dibdib mula kina alyas Alfredo, 38, at alyas Prince, 18.

Hindi pa naaresto si alyas Joshua na tumakas matapos ang rambulan na nauwi sa pananaksak.

Dakong alas-7:00 ng umaga ng magkainitan ang magkabilang panig na humantong sa rambulan.

Sasampahan ng kasong two counts of frustrated homicide ng pulisya ang mga suspek.