SAN FRANCISCO, California — Pinarangalan ang 54 na Pilipino at Filipino-Americans sa 2026 Fil-Grad ceremony sa McLaren Complex, University of San Francisco.

Ang seremonya, na may temang “Pangako: The Promise Taking Shape,” ay inorganisa ng mga grupo ng mga Pinoy na estudyante sa unibersidad at dinaluhan ng Konsulado Heneral ng Pilipinas sa San Francisco.

Pinuri ni Konsul Heneral Arnel Talisayon ang mga nagtapos, kanilang mga pamilya at mga mentor sa kanilang suporta.

Nagbigay ng inspirasyon si Prof. Tony Villegas, co-founder ng samahan, at binalikan ang kasaysayan ng grupong Kasamahan mula noong 1972 at ang kontribusyon nito sa pagpapanatili ng kulturang Pilipino sa unibersidad.