INIMBITAHAN ni Sen. Bam Aquino ang hepe ng pulis sa Ilocos Sur na maging resource person para sa hearing tungkol sa pagpapalawak ng anti-bullying law sa Marso 16.

Isa sa mga tatanungin si Lt. Reynald Ramos, chief of police ng Narvacan, Ilocos Sur, sa pagdinig sa naka-pending na dalawang Senate bills.

“Senate Committee on Basic Education respectfully invites you to attend a public hearing on Monday, 16 March 2026, 10:00 a.m., at the Sen. Recto Room, 2nd floor, Senate of the Philippines, Pasay City, to participate as a resource person,” sabi sa sulat sa hepe ng pulis.

“We appreciate your support and look forward to your valuable insights on these important measures,” sabi ni Aquino sa kanyang sulat.

Nauna nito, si Lt. Ramos ay nag-iikot sa mga elementary schools sa Narvacan para magsagawa ng lectures on anti-bullying.