PATAY ang isang rider na pinagbabaril ng kapuwa rider noong Sabado sa Quezon City.

Dead on arrival sa Quezon City General Hospital (QCGH) ang 25-anyos na biktima dahil sa mga tama ng bala ng baril sa likod, ayon sa Criminal Investigation and Detection Unit-Quezon City Police District (CIDU-QCPD).

Nangyari ang krimen bandang alas-4:37 ng hapon sa Spring Drive Street, Road 20, Brgy. Bahay Toro, Quezon City.

Sakay ang biktima ng kanyang motorsiklo sa Spring Drive Street nang sabayan ng hitman-rider na naka-orange na helmet at asul na long-sleeve shirt.

Sunud-sunod na pinagbabaril ng suspek ang biktima sa likuran at saka tumakas patungong Shorthorn Street sa Brgy. Bahay Toro.

Nakarekober ng SOCO team sa pangunguna ni PMaj. Eric Angay-Angay ang limang basyong bala sa crime scene.