ANG OG P-pop girl group na Sexbomb ay magbabalik sa entablado para sa kanilang much-awaited reunion concert sa darating na Disyembre 4, 2025 sa Araneta Coliseum.

Sa social media, ibinahagi ng kanilang leader na si Rochelle Pangilinan ang teaser na may caption: “Para sa mga pinalaki ng Sexbomb!” Kasunod nito ang mapang-akit na tanong: “Ready na ba kayo?”

Ang Sexbomb ay nagsimula bilang backup dancers sa noontime show na Eat Bulaga! noong early 2000s, bago tuluyang sumikat bilang all-female singing-dancing group. Nakilala sila sa kanilang signature dance hits gaya ng Spaghetti Song at Bakit Papa, na naging bahagi ng kulturang pop ng buong henerasyon.

Ngayong reunion concert, nostalgia trip ito para sa mga tunay na ‘pinalaki ng Sexbomb.’