ARESTADO ang 30-anyos na lalaki na siya umanong humablot sa bag ng isang dating artista sa Quezon City.

Nahaharap ngayon sa kasong robbery snatching ang suspek na si Abdul Mohammad Bocua, residente ng Brgy. Holy Spirit, Quezon City.

Nag-aayos umano ng gamit sa sasakyan ang biktimang si Hazel Espinosa sa tapat ng E.B. Davantes Aesthetic Clinic sa No. 28 E. Scout Tuazon St., Brgy. Laging Handa, Quezon City, nang hablutin ng suspek na nakasakay sa motorsiklo ang kanyang bag.

Nakuhanan ng CCTV ang pangyayari.

Nahanap ang lokasyon ng suspek sa tulong ng GPS ng mga gadget ng biktima.

Narekober umano sa suspek ang dalawang cellphone at iPad mini ng biktima.