ARESTADO ang 25-anyos na lalaki na nanghablot umano ng bag sa Quezon City.

Kinilala ang suspek na si Jojo Belarmino, residente ng Barangay 11, Sta. Cruz, Manila. Pinaghahanap naman ang kanyang kasama na nakatakas.

Rumesponde umano ang mga pulis sa isang insidente ng robbery snatching alas-9:30 ng gabi noong Sabado, Setyembre 24, sa Sgt. Rivera malapit sa kanto ng Banawe sa Barangay Manresa, Quezon City.

Naaresto umano ang suspek sa kanto ng Sto. Domingo at M. Viola sa Barangay Balingasa, Quezon City pero nakatakas ang kasama nito.

Narekober umano sa suspek ang isang sling bag, cellphone, at kalibre .38 revolver na mayroong anim na bala, isang granada at motorsiklo na may plakang 683 PAI.