NADAKIP noong Sabado ang isang pinaghihinalaang tulak ng ilegal na droga sa police operation sa Brgy. Bawi, Padre Garcia, Batangas.

Dinakma ng mga tauhan ng Padre Garcia police si alyas Harold matapos magbenta ng shabu sa isang police poseur-buyer pasado alas-6:31 ng gabi.

Dalawang sachets na may lamang 25 gramo ng shabu na may halagang P171,000 ang nakumpiska mula sa possession ni alyas Harold.

Nakuha din sa kanya ang isang lighter, isang P1,000 bill at mga drug paraphernalia.

Samantala, nahuli sina alyas Arman, alyas Raffy at alyas Kenrick sa aktong nagpa-pot session sa loob ng kubol ng unang nahuli sa nabanggit na lugar.