ARESTADO ang isang lalaki ng mga miyembro ng Manila Police District-Sampaloc Police Station 4 dahil sa pagbasag ng salamin ng sports utility vehicle sa Mangga Avenue, Sampaloc, Maynila noong Miyerkules.

Nakilala ang naarestong suspek na alyas Buboy, 43, na ngayo’y nahaharap sa kasong paglabag sa Article 308 ng Revised Penal Code.

Base sa ulat ni Police Lieutenant Christopher Ferrer, team lider sa Police Station 4, bandang alas-5:44 ng umaga araw humingi ng tulong ang biktimang si alyas Janet, 37, kaugnay sa insidente ng basag kotse.

Nalimas ang mamahalang gamit sa itim na Montero Sport dahil sa salarin na naka helmet na itim at itim na arm sleeve at itim na pantalon