KUNG tumaas sa 60% ang net satisfaction rating ni Pangulong Rodrigo Duterte, bumaba naman sa 1% ang net rating ni Vice President Leni Robredo.

Ito ay ayon sa survey ng Social Weather Station (SWS) na isinagawa noong Disyembre 12 hanggang 16 at inilabas kamakalawa.

Mula sa +24% noong Setyembre 2021, bumaba ang net rating ni Robredo sa 1%.

Si Senate President Tito Sotto III ay tumaas naman sa 52% mula sa 46% noong Setyembre.

Bumaba naman sa 5% ang rating ni Speaker Lord Allan Jay Velasco mula sa 8%.

Sa naturang survey ay nakapagtala si Duterte ng 60% net rating tumaas mula sa 52%.

Kinuha sa survey ang opinyon ng 1,440 respondents na edad 18 pataas.