NAGPROTESTA noong Sabado ang ilang tao, kasama ang 88-anyos na dating Hollywood superstar na si Jane Fonda, sa labas ng Los Angeles City Hall sa California dahil sa paglusob ng US at Israel sa Iran.

Naganap ang mga kilos protesta sa Westwood at ilang bahagi ng Hollywood kung saan iwinagayway ng ilang Iranian-American ang kanilang watawat bilang suporta at nanawagan para sa pagbabago ng rehimen sa Tehran.

Sinabi ng mga miyembro ng California Society for Democracy sa Iran na sinusuportahan nila ang pagbuo ng isang pansamantalang pamahalaan na pinamumunuan ng mga grupo ng oposisyon ng Iran.

“Naniniwala kami na ang mga Iranian ay may kakayahan at handa para sa pagbabago ng rehimen sa Iran,” sabi ni Nasser Sharif, kinatawan ng organisasyon.

“Hayaan ang mga Iranian na piliin ang kanilang kapalaran at ang kinabukasan ng bansa ay dapat ang mga mamamayan nito ang magpapasya,” dagdag ng kinatawan.

Sinabi ng mga organizer ng anti-war rally na plano nilang ipagpatuloy ang mga demonstrasyon sa mga darating na araw.

Ilang mga internasyonal na flight sa Middle East ay kinansela noong Linggo matapos isara ng maraming bansa ang kanilang airspace.

Ang mga flight na patungo sa Dubai at Tel Aviv ay na-ground at nag-iwan ng mga biyahero na stranded.

Sinabi ng mga airlines na maaaring tumagal ang mga pagkagambala habang patuloy ang giyera. People’s Tonight Los Angeles Correspondent