KAMPO HENERAL MIGUEL MALVAR, Batangas–Isang tricycle driver na may kasong panghahalay sa Batangas ang naaresto noong Huwebes sa Poblacion 3, Capalonga, Camarines Norte.

Nadakip ng Sto. Tomas City police ang suspek na si alyas Vince, 39, sa bisa ng warrant of arrest na inisyu ng Presiding Judge ng Regional Trial Court, Fourth Judicial Region, Branch 83, ng Tanauan City para sa kasong statutory rape, ayon kay P/Col. Geovanny Sibalo, hepe ng Batangas police.

Ang warrant of arrest may kaugnayan sa paglabag sa RA 7610 at RA 8353 at walang inirekomendang piyansa kapalit ng pansamantalang paglaya ng suspek.