NATIKLO ng mga pulis noong Huwebes ang isang pinaniniwalaang tulak sa Brgy. Antipolo, Sta. Teresita, Batangas dahil may dalang 23.78 na gramo ng shabu na may halagang P161,704, ayon kay Batangas police director P/Col. Geovanny Sibalo.

Ang suspek, si alyas Pating, 43, obrero at residente ng Brgy. Antipolo, Sta. Teresita, ayon sa report.

Nahuli ang suspek batay sa search warrant na isyu ng Executive Judge, Fourth Judicial Region, Branch 55 ng Lucena City.

Ang suspek ay sasampahan sa kasong paglabag sa RA 9165 (Comprehensive Dangerous Drugs Act of 2002).