HINILING umano ng may 150 Pilipino na sa Sri Lanka na sila ay ma-repatriate sa bansa bunsod ng kaguluhan doon.

Ayon kay Department of Migrant Workers (DMW) Secretary Susan “Toots” Ople mayroong 700 Pilipino sa Sri Lanka.

Nakikipag-ugnayan umano si Ople sa Department of Foreign Affairs (DFA) upang maiuwi sa bansa ang mga nais na magpa-repatriate.

Nagdeklara ng state of emergency sa Sri Lanka matapos na sugurin ng libu-libong tao sa tanggapan ng kanilang Prime Minister matapos na tumakas ang kanilang Pangulong si Gotabaya Rajapaksa papunta sa Maldives.