PABOR umano ang Hungary na dagdagan ang bilang ng mga skilled Overseas Filipino Workers (OFW) na nagtatrabaho sa kanilang bansa.

Ayon kay Ambassador Titanilla Toth ng Hungary sa ngayon ay mahigit 800 ang mga OFW na nagtatrabaho sa kanilang bansa.

Maaari umanong makapasok ang mga OFW sa mga hotel at electronic factory.

Nakikipag-ugnayan umano ang Hungary sa Technical Education and Skills Development Authority (TESDA) sa pagkuha ng mga skilled worker.

Sinabi ni Toth na sa kasalukuyan ay mayroon itong 35 Filipino scholar at nais nila na madagdagan ito sa hinaharap.