UMABOT na sa 19.819 milyon na ang nag-enroll para sa School Year 2022-2023.

Ito ay batay sa datos mula sa Learner Information System (LIS) ng Department of Education (DepEd) hanggang alas-7 ng umaga noong Agosto 12. Nagsimula ang enrollment noong Hulyo 25.

Pinakamarami ang nag-enroll sa Region IV-A na umabot sa 2,872,152.

Sumunod naman ang Region III na may 2,236,922 enrollees at pumangatlo ang National Capital Region (2,209,867).

Ayon sa DepEd magpapatuloy ang enrollment hanggang sa Agosto 22.