HULI sa aktong sumisinghot ng shabu ang dalawang pinaniniwalaang lulong sa droga noong Sabado sa Valenzuela City.

Nagtungo ang mga tauhan ni Northern Police District (NPD) Director P/BGen. Benliner Capili sa bahay ni alyas Jon, 41, sa Dulap compound, Brgy. Pasolo dahil sa reklamo sa madalas na pot session sa lugar.

Alas-4:00 ng hapon dumating sa lugar sina Patrolmen Dhan Reb Andales at John Paul Abana at kitang-kita nila sina alyas Jon at Glen, 32, na sumisinghot ng shabu kaya’t kaagad silang dinakip.

Nakuha sa lugar ang 0.41 na gramo ng shabu na nagkakahalaga g P2,788 at iba’t-ibang drug paraphernalia.

Inihahanda na ang paghahain ng reklamong paglabag sa RA 9165 sa Valenzuela City Prosecutor’s office laban sa dalawa.