Camp Police Brigadier General Vicente P Lim, Calamba City, Laguna — Kahit na sa panahon ng Kuwaresma, ang Police Regional Office (PRO) CALABARZON ay nakaaresto ng umabot sa 38 wanted persons sa ilalim ng Proje”Huli Week” na isinagawa mula 6:00 ng umaga ng April 4 hanggang 6:00 ng umaga ng April 5, 2026.

Kabilang sa areastado ang 23 most wanted persons.

Ang “Huli Week” ay estratehikong inisyatiba na inilunsad noong Mahal na Araw at binibigyang-diin ang pangako ng PRO CALABARZON na tiyakin ang kaligtasan ng publiko sa pamamagitan ng paghuli sa mga indibidwal na may mga nakabinbing warrant of arrest.

Ang inisyatibong ito ay nagpapalakas ng presensya ng pulisya at mga operasyon sa seguridad sa buong rehiyon, partikular sa mga lugar ng pagtitipon tulad ng mga simbahan, sentro ng transportasyon, at mga destinasyon ng turista.

Binigyang diin ni Police Brigadier General Hansel M. Marantan, pansamantalang Regional Director ng PRO CALABARZON, ang kahalagahan ng operasyon sa pagpapanatili ng kapayapaan at kaayusan sa panahon ng taimtim na pagdiriwang.

Tiniyak niya sa publiko na ang PRO CALABARZON ay nananatiling matatag sa kanilang mandato na maghatid ng “Serbisyong Mabilis, Tapat, at Nararamdaman”, lalo na sa mga mahahalagang pambansang pagdiriwang.