ANIM na brand ng Molnupiravir, isang gamot na ginagamit sa pasyenteng nahawa ng COVID-19 ang binigyan ng emergency use authorization (EUA) ng Food and Drug Administration (FDA).

Ayon kay FDA Director General Oscar Gutierrez ang mga ito ay ang:

– Molnarz (gawa ng Faberco)

– Molnaflu (gawa ng Medethix)

– Auxilto (gawa ng German Quality Pharma)

– Molxvir (gawa ng Sun Pharma)

– Molnatris (gawa ng Mykan)

– Molnupiravir Generic (gawa ng Lloyd Laboratories/Dr. Zen’s Research)

Sinabi ni Gutierrez na pumasa rin sa pamantayan ng FDA ang Lloyd Laboratories upang gumawa ng 200mg at 400mg ng molnupiravir capsule.

Ang Pfizer naman ay naghain na rin ng EUA para sa kanilang Paxlovid, isang anti-viral therapy pill laban sa COVID-19. Ni MAR RODRIGUEZ