NAKAPAGTALA ang Department of Health (DOH) ng 6,297 bagong kaso ng COVID-19 mula Marso 1 hanggang 7.

Sa datos na inilabas ngayong Lunes, sinabi ng DOH na ang daily average case na 899 sa naturang linggo ay mas mababa ng 30% kumpara sa naitala mula Pebrero 22-28.

Sa naitalang bilang sa nakalipas na linggo, tatlo lamang ang severe o critical cases.

Sa kabuuan ay mayroong 1,055 severe at critical cases sa bansa.

Ang intensive care unit (ICU) utilization rate at 25.7%, o ang ginagamit ay 807 sa 3,138 ICU beds.

Sa non-ICU beds, 18.4% o 4,543 sa 24,678 ang ginagamit ngayon.