MAHIGIT sa 75,000 ang kumuha ng Career Service Examination-Pen and Paper Test (CSE-PPT) ngayong Marso 13 na isinagawa sa 77 testing centers sa iba’t ibang bahagi ng bansa.

Ayon sa Civil Service Commission (CSC) pinakamarami ang kumuha ng eksaminasyon sa Region IV-A (Southern Tagalog) na umabot sa 10,884, at sinundan ng Region VI (Western Visayas) na may 10,392 examinees, at ng Region XI (Davao Region) na may 7,924 examinees.

Ang civil service examination ay kailangan upang maging permanenteng empleyado ng gobyerno.