KAMPO PBGEN EFIGENIO C. NAVARRO, Calapan City–Walo ang naaresto sa lalawigang ito dahil sa iba’t-ibang kaso noong Biyernes.

Ayon sa ulat ng pulisya, tatlo sa mga naaresto–sina alyas Elon, 49; Leonard, 38; at Kevin–dahil sa krimeng homicide.

Nahaharap din sina Leonard at Kevin sa kasong falsification by private individual at paggamit ng falsified documents.

Arestado din sina alyas Dominique, 24, dahil sa tangkang pagpatay; Andres, 21, para sa pagpapabaya na nagresulta sa pagpatay at pinsala sa ari-arian; John Emer, 19, para sa physical injuries; Zaldy, 59; at Noli, 57, para sa Ilegal na pangingisda.

Ang mga naaresto ay kasalukuyang nasa kustodiya ng pulisya at isusuko sa naaangkop na mga korte, ayon kay P/BGen. Jovencio Badua, hepe ng PRO-4B.