NASAKOTE noong Biyernes ng mga pulis ang 14 na suspek sa ilegal na pagbebenta ng gasolina sa Brgy. Banaba West, Batangas City, ayon kay Batangas City police chief P/Lt. Col. Ira Morello.

Bandang alas-12:30 ng hatinggabi nahuli ang mga suspek habang pinupuno ang limang lata na naglalaman ng 5,000 litro ng gasolina na nagkakahalaga ng P60,000.

Sasampahan ng kasong paglabag sa Presidential Decree 1865 (Oil Pilferage Law) ang mga nahuling suspek.

“Ang makabuluhang pag-aresto na ito ay nagpapakita ng aming pagiging determinado na sugpuin ang mga ilegal na aktibidad na sumisira sa ating ekonomiya,” sabi ni P/Col. Geovanny Sibalo, hepe ng Batangas City police.